ಪೆನ್ಸಿಲ್ ಅವಾಂತರ

ಇದು ನಾಲ್ಕೈದು ವರ್ಷಗಳ ಹಿಂದೆ ನಡೆದ ಘಟನೆ. ಅಂದು ಭಾನುವಾರ ಹೈಸ್ಕೂಲ್ ಓದುತ್ತಿದ್ದ ಮಗಳಿಗೆ Male and Female reproductive system ಬಗ್ಗೆ ಪಾಠ ಹೇಳಿ ಕೊಟ್ಟು ಅಡಿಗೆ ಮಾಡಲು ಹೊರಟೆ. ಆಗ ನನ್ನ ಸೋದರ ಮಾವನ ಮಗಳು baby sitting ಗೆ ಹೋಗುತ್ತಿದ್ದ ಮಗ ಶಶಾಂಕನ ಜೊತೆ ಮನೆಗೆ ಬಂದಳು. ಅವನಿಗೆ ABCD ಬರೆಸು ಎಂದು ಹೇಳಿ ನಾವಿಬ್ಬರೂ ಹರಟೆ ಹೊಡೆಯುತ್ತ ಅಡಿಗೆ ಮಾಡುತ್ತಿದ್ದೆವು. ಇದ್ದಕಿದ್ದಂತೆ ಶಶಾಂಕ ನನ್ನ ಮಗಳು ಶ್ರುತಿ ಗೆ ಏನೋ ಹೇಳಿ ಜೋರಾಗಿ ಅಳತೊಡಗಿದ. ಅಡಿಗೆ ಮನೆಯಲ್ಲಿದ್ದ ನಮಗೆ ಅವನು ಏನು ಹೇಳಿದ ಅಥವಾ ಏಕೆ ಅಳುತ್ತಿದ್ದಾನೆಂದು ಅರ್ಥವಾಗದೆ ಇಬ್ಬರು ಹೊರಗೆ ಓಡಿ ಬಂದೆವು. ನೋಡಿದರೆ ಶ್ರುತಿ ಹೊಟ್ಟೆ ಹಿಡಿದು ಬಿದ್ದು ಬಿದ್ದು ನಗುತ್ತಿದ್ದಳು. ಕಾರಣ ಕೇಳಿದಾಗ ಅವಳಿಗೆ ನಗು ನಿಲ್ಲಿಸಿ ಮಾತನಾಡಲು ಕೂಡ ಆಗಲಿಲ್ಲ. ಅವನನ್ನೇ ವಿಚಾರಿಸಿದೆವು. ಆಗ ಅವನು ಅಕ್ಕ ನನ್ನ penis ಮುರಿದುಹಾಕಿಬಿಟ್ಟಳು ಎಂದು ಹೇಳಿ ಇನ್ನೂ ಜೋರಾಗಿ ಅಳತೊಡಗಿದ. ಅವನ ಮಾತು ನಮಗಿಬ್ಬರಿಗೂ ಏನೇನು ಅರ್ಥವಾಗಲಿಲ್ಲ. ಆಗ ನನ್ನ ಮಗಳು ನಗುವಿನ ಮದ್ಯೆಯೇ pencil lead ಮುರಿದು ಹೋಯಿತು ಎಂದಳು. ಅದ್ದನ್ನು ಕೇಳಿ ನಾವಿಬ್ಬರು ನಗಲು ಶುರು ಮಾಡಿದೆವು. ಅವನು ಅಳು ನಿಲ್ಲಿಸಿ ನಮ್ಮನ್ನೇ ಆಶ್ಚರ್ಯದಿಂದ ನೋಡತೊಡಗಿದ. ಇನ್ನು ಸರಿಯಾಗಿ ಮಾತನಾಡಲು ಬರದ್ದಿದ್ದ ಶಶಾಂಕನ ಬಾಯಲ್ಲಿ ಪೆನ್ಸಿಲ್ penis ಆಗಿ ಹೋಗಿತ್ತು. ಈಗಲೂ ಕೂಡ ಅವನನ್ನು ನೋಡಿದರೆ ಆ ಘಟನೆ ನೆನಪಿಗೆ ಬಂದು ನಗು ಉಕ್ಕಿ ಬರುತ್ತದೆ.